ازاي تقضي يومك فى الحجر الصحي المنزلي بدون ملل

بسم الله الرحمن الرحيم ... 🌸

اهلا بكم ومرحبا في مدونتكم المفضلة ان شاء الله #البشمدكتر 

جايبلكم اليوم أفضل الطرق الي ممكن تقضي بيها يومك في البيت بدون ملل فى ظل ظروف فيروس كرونا المنتشر عالميا والي المفروض علينا نمشي ورا التعليمات والي هي أهمهم نقعد في البيت ونلتزم أوضتنا الجميلة .. وعشان كدا هنبدأ نوضح ازاي تستغل ال24 ساعه الكامليين فبيتك ... والحاجات الي أنا شخصيا بمشي عليها كل يوم .. طيب هل أنا مبحسش بالملل نهائي ؟! عشان أكون صريح بحس بالملل أوقات كتير جداا .. بس بهرب بسرعه وأدور علي حل يسليني وينفعني بردو فيلا نبدأ مع بعض 

1 _ الأفلام والمسلسلات 😁 ودا أول حل كله بيلجأله والطبيعي جداً بس هنا هعرض عليكم أفلام ومسلسلات تجربة شخصية وكويسيين جداا وصدقني مُش هتخرج من بيتك خالص بسببهم وهتكون مستمتع وهم كالآتى
^  لو بتحب الغموض والاثارة يبقى هتركز علي مسلسل DARK الألماني ومسلسل LOST ومسلسل UTOPIA ومسلسل WESTWORLD ^
ومن ناحية أفلام الغموض أولهم والى لازم تشوفه predestination  وبعدا كدا كتير أوى زي 
.. fight club 
.. memento 
.. Inception 
.. interstellar 
.. shutter island 
.. Gone girl 
.. The prestige 
.. edge of tomorrow 
.. eternal sunshine of the soptless mind 
..night crawler 
وفى أكتر من 40 فيلم كدا هنذكرهم مرة تانيه كاملين 
المسلسلات الطبية من وجهة نظري GOOD DOCTOR وبعده DR HOUSE .. وفى ناس بتختلف علي كدا بس أنا بحب الخيال الزيادة فى good doctor
مقدرش انسى أقوى قائمة من المسلسلات الا وهى 
.. prison break 
.. peaky blinders 
.. breaking bad 
.. viking 
.. God Father 
.. la casa de papel 
.. sherlock holmes  
انتظروا القادم ان شاء الله متنساش تعمل حفظ للمدونة وتعملها شير عند عشان سهل توصلها تانى 

2 _ الرياضة الخفيفة .. ودي المفروض تتحط رقم واحد حقيقي . لأن قعدتنا فى البيت الكتير هتخلي عضلات جسمنا تنام أكتر مهي نايمه فبنصحكم بتمارين خفيفة جدا وأضعف الايمان زي ( المشي في البيت او الجري فى مكانك + تمارين البطن كفاية أوي خمس عدات وتمارين الضغط بردو كفاية أوي خمس عدات .. وقدامك #يوتيوب تقدر تتفرج علي تمارين كتير وبسيطه ونصيحتي ليكم في النقطه دي { تحط جدول } لكل التمارين عشان متنساش وتشتغل عليها يوميها .. 

3 _ الصلاة ❤ وأنا عايزك متاخدش كلامي بأولويه في الترتيب .. الصلاة عماد الدين .. ودي فرصة ليك لو مُش ملتزم تقرب من ربنا أنت وقتك كله في البيت سهل عليك أوي تصلي كل الصلوات في معادها تمام .. ولو كنت شخص ملتزم فسهل عليك أوي تصلى النوافل وتزيد من قربك لربنا وفى طرق كتير علي اليوتيوب بتعلمك ازاي تخشع فى صلاتك 

 4 _ القرآن الكريم .. هنا بقا مُش هكلمك علي قراءة . لأ هنتكلم علي حفظ القرآن والي فعلا هيفيدك أوي وفرصه ليك . كل الي اتمنى انه تعمله هو تحفظ آيه واحده كل يوم (1) واحده بسسسسسسس .. أظن المووضوع مش صعب .. لو الفتر الجايه كلها حفظت صفحة بس أنت مخسرتش حاجه { لا وقت ولا مجهود } بالعكس استفدت وكتير أووووي 

5 _ خامس حاجه والأخيره فى المدونه دي لكن لسه كتير فالي جاي ان شاء الله ... هي الثقافة الشخصية ( قراءة الكتب ) تشوف ترشيحات الكتب وتختار كتاب واحد قيم وواخد تقييم عالي وتبدأ فيه .. بس كدا ؟! لأ مش بس .. تبدأ تشرح لأصدائك فصول الكتاب دا كل متخلص جزء .. طبعا هتشرحلهم علي الواتس ريكوردات أو أي طريقة بتتواصلوا بيها لأن احنا في حجر صحي ها ! كلامي وااضح ؟!  .. وبكدا صحابك هيبقوا مشجعينك لانهم هيستنوا منك الشرح دا .. + هيزود عندك طريقة الالقاء والتحدث السليم مرة فمر .. وممكن بردو تدخل تسمعلك كام فيدي شرح عن التعليق الصوتي هيفرق معاك أوي .. 

#أتمنى تكون استفدت مستني تعليقكم وتشارك البوست لأصدقائك عشان نقدر نكمل ..

وقولولنا طرقكم الخاصه فتقضية الوقت ؟؟؟ 🤔🤔